Көзәткүчиләр пакистанни гвадар портидин келидиған нәпкә алдирап кәтмәсликкә чақирған

Мухбиримиз җүмә
2013-02-20
Елхәт
Пикир
Share
Принт

Пакистан президенти гвадар портиниң хитайға өткүзүп берилиши уйғур районини оттура шәрққә туташтуруп пакистанға пайда елип келидиғанлиқини көрсәткән болсиму, бәзи көзәткүчиләр пакистанни бәк алдирап кәтмәсликкә чақирған.

Пакистан дүшәнбә күни рәсмий тохтамға имза қоюп, балочистан өлкисигә җайлашқан гвадар портни ишлитиш вә қуруш һоқуқини хитайға өткүзүп бәргән иди.

Пакистанда чиқидиған «әһмәдийә вақит» гезитидә хәвәр қилишичә, тохтам бойичә порт пакистанниң игидарчилиқида болидикән, әмма башқуруш вә ишлитиш хитай дөләт игидарчилиқидики порт башқуруш ширкитидә болидикән.
Мәзкур порт илгири бир сингапор ширкитиниң башқурушида болған иди.

Хәвәрдә нәқил қилишичә, мурасимға қатнашқан пакистан президенти зәрдари портниң хитай-пакистан мунасивәтлиридики муһимлиқини алаһидә тилға алған.

У мундақ дегән: хитайниң шинҗаң вә тибәт өлкилири хитайдики һәрқандақ портқа қариғанда, пакистандики портларға әң йеқин. Шинҗаңни оттура шәрққә туташтуридиған бир сода каридори ечишниң кәлгүси бәк парлақ.

Хәвәргә қариғанда, мутәхәссисләр пакистан һөкүмитигә агаһландуруш берип, гвадар портини туташтуридиған пакистан ичидики йоллар вә қарақурум ташйолиниң техи пүтмәслики сәвәблик портниң пакистанға алдирап пайда елип кәлмәйдиғанлиқини билдүрүшкән.

Пикирләр (0)
Share
Толуқ бәт