Közetküchiler pakistanni gwadar portidin kélidighan nepke aldirap ketmeslikke chaqirghan

Muxbirimiz jüme
2013-02-20
Élxet
Pikir
Share
Print

Pakistan prézidénti gwadar portining xitaygha ötküzüp bérilishi Uyghur rayonini ottura sherqqe tutashturup pakistan'gha payda élip kélidighanliqini körsetken bolsimu, bezi közetküchiler pakistanni bek aldirap ketmeslikke chaqirghan.

Pakistan düshenbe küni resmiy toxtamgha imza qoyup, balochistan ölkisige jaylashqan gwadar portni ishlitish we qurush hoquqini xitaygha ötküzüp bergen idi.

Pakistanda chiqidighan "Ehmediye waqit" gézitide xewer qilishiche, toxtam boyiche port pakistanning igidarchiliqida bolidiken, emma bashqurush we ishlitish xitay dölet igidarchiliqidiki port bashqurush shirkitide bolidiken.
Mezkur port ilgiri bir sin'gapor shirkitining bashqurushida bolghan idi.

Xewerde neqil qilishiche, murasimgha qatnashqan pakistan prézidénti zerdari portning xitay-pakistan munasiwetliridiki muhimliqini alahide tilgha alghan.

U mundaq dégen: xitayning shinjang we tibet ölkiliri xitaydiki herqandaq portqa qarighanda, pakistandiki portlargha eng yéqin. Shinjangni ottura sherqqe tutashturidighan bir soda karidori échishning kelgüsi bek parlaq.

Xewerge qarighanda, mutexessisler pakistan hökümitige agahlandurush bérip, gwadar portini tutashturidighan pakistan ichidiki yollar we qaraqurum tashyolining téxi pütmesliki seweblik portning pakistan'gha aldirap payda élip kelmeydighanliqini bildürüshken.

Pikirler (0)
Share
Toluq bet