Хитай әнглийәдин 50 нәпәр парихор әмәлдарни қайтуруп беришни тәләп қилди

Мухбиримиз меһрибан
2015-03-31
Елхәт
Пикир
Share
Принт

Хитай әнглийәдин әнглийәдә икәнлики ениқланған 50 нәпәр парихор әмәлдарни хитайға қайтуруп беришни тәләп қилди.

Әнглийә б б с агентлиқиниң хәвиридин мәлум болушичә, хитай даирилири әнглийә һөкүмитигә 50 кишиниң тизимликини берип, тизимликтикиләрниң илгири хитайда һөкүмәт әмәлдари болуп турған мәзгилидә иқтисадий җинайәт өткүзгән әмәлдарлар икәнликини билдүрүп, уларни хитайға қайтуруп беришни тәләп қилған. Буниңдин сәл илгири хитай һөкүмити америкиғиму хитайда парихорлоқ билән әйиблинип тутуш буйруқи чиқирилған 150 нәпәр сабиқ хитай әмәлдарлириниң тизимликини берип, тизимликтики кишиләрни хитайға қайтуруп беришни тәләп қилған.

Хитай җамаәт хәвпсизлики министирлиқиниң бу йил 8-январ елан қилған доклатидин мәлум болушичә, бултур хитайда башланған «парихор әмәлдарларға зәрбә бериш» һәрикитидә, 2014-йил 12-айниң 31-күнигә қәдәр чәтәлләрдин қайтуруп келингән хитай әмәлдарлириниң сани 680 гә йәткән. Улардин 390 нәпири өзини мәлум қилип өзлүкидин қайтип кәлгән, 290 нәпири хәлқара сақчиларниң һәмкарлиқида тутуп хитайға қайтуруп келингән. Хитай хәвиридә йәнә, бу әмәлдарлардин 117 нәпириниң узун йиллардин буян чәтәлләрдә қечип йүргәндин кейин тутуп келингән парихор әмәлдарлар икәнлики алаһидә әскәртилгән.

Пикирләр (0)
Share
Толуқ бәт