Uyghur aptonom rayonluq kökertish komitétining mes'uli parixorluq bilen eyiblinip tekshürülüshke bashlidi

Muxbirimiz erkin
2014-07-30
Élxet
Pikir
Share
Print

Uyghur aptonom rayonluq kökertish komitétining mu'awin re'isi péng jingxu'a parixorluq bilen eyiblinip tekshürülüshke bashlighan. Xitay aliy teptish mehkimisining ashkarilishiche, Uyghur aptonom rayonluq teptish mehkimisi péng jingxu'a üstidin mexsus délo turghuzghan we uninggha mejburlash xaraktérlik tedbir qollan'ghan.

Xewerde, teptish da'irilirining uning parixorluq délosini tekshürüwatqanliqini bildürgen. Péng jingxu'a xitayning Uyghur aptonom rayonidiki mu'awin nazir derijilik emeldari.

Közetküchilerning bildürüshiche, péng jingxu'aning tekshürülüshi xitay re'isi shi jinping qozghighan xiyanetchilik‏- parixorluqqa qarshi turush herikitining bir parchisi.

Buningdin sel burun xitay da'iriliri kompartiye siyasiti byurosining sabiq da'imiy ezasi, merkizi siyasiy qanun komitéti sékrétari jow yongkangning intizamgha xilapliq bilen eyiblinip tekshürülüshke bashlighanliqini élan qilghan. Jow yongkong ilgiri tarim néfitlikide mes'ulluq wezipisi atqurghan.

Biraq közetküchiler, béyjing da'irilirining Uyghur élide siyasiy muqimliqni nezerde tutup, rayondiki xiyanetchilik, parixorluq mesilisige perqliq mu'amile qilidighanliqi, bezide rayondiki xiyanetchilik, parixorluqqa chétilghan yuqiri derijilik emeldarlargha köz yumidighanliqini ilgiri sürmekte.

Toluq bet