Хитай даирилири «бир пәрзәнтлик болуш түзүми» ни юмшитидиғанлиқини җакарлиди

Мухбиримиз җүмә
2013-12-28
Елхәт
Пикир
Share
Принт

Уйғур елидә пиланлиқ туғут сиясити һәдәп йолға қоюлуватқан мәзгилдә хитай даирилири шәнбә күнидин башлап хитайдики «бир пәрзәнтлик болуш түзүми» ни юмшитидиғанлиқи, әгәр ата-ана болғучи өзлириму ялғуз пәрзәнт болған болса уларниң йәнә бир бала туғушиға рухсәт қилинидиғанлиқини билдүрди.

Бу лайиһә бу йил ноябирда ечилған хитай коммунист партийисиниң 17-нөвәтлик қурултийида оттуриға қоюлған. Әмма хитай хәлқ қурултийи даимий комитети тәрипидин бастуруп қоюлған. 1980-Йиллардин башлап йолға қоюлған мәзкур сиясәт уйғур елидә техиму қанлиқ иҗра қилинған.

Бу сиясәт уйғур елидә йолға қоюлған җәрянда қорсақтики туғулай, дәп қалған балилиридин айрилған уйғур анилириниң роһий вә җисманий җәһәтләрдин кесәлләргә муптила болғанлиқи хәвәр қилинған. Һалбуки, бу сиясәт уйғур елидә һелиһәм қаттиқ йүргүзүлмәктә.

Бу қетим хитайда «юмшитилған» пиланлиқ туғут сияситиниң уйғурларға қаритилған пиланлиқ туғут сияситигә қандақ өзгириш елип келидиғанлиқи һазирчә мәлум әмәс.

Пикирләр (0)
Share
Толуқ бәт