Mayk pompéyo: "Biz birliship barche mesililerni hel qilimiz!"

Muxbirimiz eziz
2020-11-10
Élxet
Pikir
Share
Print

Amérika tashqi ishlar ministiri mayk pompéyo 10-noyabir küni "Xitay kompartiyesidin tartip irandiki térrorchi hakimiyetkiche bolghan barliq sahedin kéliwatqan herqandaq xirisni yéngeleymiz. Bu hör ademler qilidighan ishlardur" dep körsetti. U bu sözlerni ronald régan institutining erkinlik we démokratiye merkizidiki nutqida alahide tekitlidi.

U sözide sabiq amérika prézidénti ronald réganning "Dunyadiki héchqandaq bir dölet erkinlik heqqide bizchilik pikir yürgüzgen emes" dégen sözini neqil élish arqiliq amérika xelqining erkinlikke bolghan telpünüshining bekmu chongqur yiltizgha ige ikenlikini yene bir qétim eskertti. Shuningdek amérika hökümitining ular duch kelgen herqandaq xiris we tehditlerni berbat qilalaydighanliqini, jümlidin nöwette duch kéliwatqan türlük-tümen müshkülat we qiyinchiliqlarnimu yéngip kételeydighanliqini tekitlidi. U bu heqte söz qilip "Shunisi éniqki, bizning yéngishimiz, ularning meghlup bolushi muqerrerdur" dep körsetti.

Mayk pompéyo sözide amérika we dunya jama'itige xitab qilip "Biz birleshsekla biz herqandaq mesilini hel qilip kételeymiz" dégenni yene bir qétim tekrarlidi. Shuning bilen birge amérika hökümiti nöwette ijra qiliwatqan tashqi ishlar siyasitining parlaq iz qaldurup kétishige bolghan ishenchini bildürdi.

Toluq bet