Уйғур өлима һәмдулла вәли сәуди әрәбистандин хитайға қайтурулуш хәвпигә дуч кәлгән

Мухбиримиз җәвлан
2020-11-03
Елхәт
Пикир
Share
Принт

«Оттура шәрқниң көзи» ториниң 3-ноябир хәвәр қилишичә, түркийәдин сәуди әрәбистанға өмрә һәҗ қилғили кәлгән уйғур өлимаси һәмдулла вәли хитайға қайтурулуш хәвпигә дуч кәлгән. У хитайдики вақтида икки қетим тутулған болуп, кейин хитайниң зулмидин қечип түркийәгә чиқип кәткәникән. Түркийәдә униң өмүрлүк туруш иқамити бар икән.

Униң мухбирға билдүрүшичә, у мәккигә барғанда уйғур қериндашлириниң тәклипи билән вәз-тәблиғ қилған болуп, хитайлар буни аңлап қалғандин кейин қаттиқ ғәзәбләнгән болуши мумкин икән. Хитайниң сәуди әрәбстанда турушлуқ әлчиханиси уни чегридин қоғлап чиқиришни тәләп қилған болуп, буниңдин у өзиниң бихәтәрликидин әнсирәшкә башлиған.

Буниңдин илгири, сәуди әрәбистанниң аз дегәндә бәш уйғурни хитайға қайтуруп бәргәнлики радийомизда хәвәр қилинғаниди. Һәмдулла вәлиму өзиниң ашундақ қисмәткә йолуқуп қелишидин қаттиқ әнсиримәктә икән.

Пикирләр (0)
Share
Толуқ бәт