Uyghur ölima hemdulla weli se'udi erebistandin xitaygha qayturulush xewpige duch kelgen

Muxbirimiz jewlan
2020-11-03
Élxet
Pikir
Share
Print

"Ottura sherqning közi" torining 3-noyabir xewer qilishiche, türkiyedin se'udi erebistan'gha ömre hej qilghili kelgen Uyghur ölimasi hemdulla weli xitaygha qayturulush xewpige duch kelgen. U xitaydiki waqtida ikki qétim tutulghan bolup, kéyin xitayning zulmidin qéchip türkiyege chiqip ketkeniken. Türkiyede uning ömürlük turush iqamiti bar iken.

Uning muxbirgha bildürüshiche, u mekkige barghanda Uyghur qérindashlirining teklipi bilen wez-tebligh qilghan bolup, xitaylar buni anglap qalghandin kéyin qattiq ghezeblen'gen bolushi mumkin iken. Xitayning se'udi erebstanda turushluq elchixanisi uni chégridin qoghlap chiqirishni telep qilghan bolup, buningdin u özining bixeterlikidin ensireshke bashlighan.

Buningdin ilgiri, se'udi erebistanning az dégende besh Uyghurni xitaygha qayturup bergenliki radiyomizda xewer qilin'ghanidi. Hemdulla welimu özining ashundaq qismetke yoluqup qélishidin qattiq ensirimekte iken.

Toluq bet