Qazaqistan xitaydin qosh dölet tewelikidiki qazaq puqralirini qoyuwétishni telep qildi

Muxbirimiz eziz
2018-05-29
Élxet
Pikir
Share
Print

Ötken hepte xitay we qazaqistan wekiller ömiki mexsus söhbet ötküzüp, xitay hökümiti qolgha alghan bir türküm qazaqlarni qoyup bérish hemde bashqa alaqidar mesililer heqqide muzakirileshken.

"Bügünki qazaqistan" torining 29-maydiki xewirige qarighanda, ardak madiyéw bashchiliqidiki qazaqistan wekilliri go shawchu'en bashchiliqidiki xitay wekiller ömiki bilen söhbetleshken. Söhbette ikki terep munasiwitide nöwette otturigha chiqiwatqan mesililer, herqaysi terep puqralirining heq we hoquqlirini qoghdash, shundaqla ikki terep sayahetchilirige munasiwetlik bir qatar mesililer tepsiliy muhakime qilin'ghan.

Xewerde éytilishiche, söhbet jeryanida qazaqistan wekilliri xitaydin qazaqistan'gha köchüp kélip wetendashliq alghan qazaq puqralirining xitayda tutqun qilinish mesilisini alahide otturigha qoyghan, shuningdek buninggha chétilip qalghan kishilerge adil mu'amile qilish telep qilinip, ularni tézdin qoyup bérish telep qilin'ghan. Xewerde qazaqistan tashqi ishlar ministirlikining axbarat ishxanisidin neqil keltürülüp "Sh u a r diki qazaqlar mesilsini hel qilishta ortaq kélishim hasil qilindi" déyilidu.

Söhbet jeryanida yene ikki terep sayahetchilirining wiza ishlirigha qolayliq tughdurush, ayrudurumlardiki almishish jeryanida wiza ishlirini asanlashturush toghrisidimu mexsus muzakire bolghanliqi melum.

Toluq bet