Қәшқәр алаһидә райони үчүн шенҗенда херидар чақириш башланди

Мухбиримиз җүмә
2013-02-27
Елхәт
Пикир
Share
Принт

Хитай даирилири қәшқәрдә қурмақчи болған қәшқәр алаһидә иқтисадий тәрәққият райони үчүн шенҗен шәһиридә мәхсус иш беҗириш мәркизи қуруп, херидар чақиришқа башлиған.

«Қәшқәр һөкүмәт тори» ниң хәвәр қилишичә, мәзкур мәркәз 25-феврал рәсмий ишқа киришкән.

Хәвәргә қариғанда, херидар чақириш мәркизидики хадимлар шенҗенда «қәшқәр алаһидә иқтисадий тәрәққият райониниң әвзәллики» вә хитай өлкилиридин чиқип мәбләғ салғучиларға берилидиған «алаһидә етибар бериш сиясәтлири» ни чүшәндүридикән.

Қәшқәргә алаһидә иқтисадий тәрәққият райони қуруш пиланини шенҗен шәһәрлик шәһәр пиланлаш тәтқиқат юрти үстигә алған иди.

Хәвәрләрдә қәшқәр алаһидә райониға мәбләғ салғучи хитай ширкәтлиригә етибар берилидиғанлиқи көрситилгән болсиму, мәзкур районға мәбләғ салғучи уйғурларға қандақ етибар сиясәтлири барлиқи оттуриға қоюлмиған.

Уйғурларниң өз юртлирида йәклинип, иқтисадий тәрәққиятниң сиртида қалдурулуватқанлиқи дәлиллиниватқан мәзгилдә ечилишқа башлиған мәзкур тәрәққият райониниң йәрлик уйғурларға қанчилик мәнпәәт елип келидиғанлиқи һазирчә намәлум.

Пикирләр (0)
Share
Толуқ бәт