Qeshqer alahide rayoni üchün shénjénda xéridar chaqirish bashlandi

Muxbirimiz jüme
2013-02-27
Élxet
Pikir
Share
Print

Xitay da'iriliri qeshqerde qurmaqchi bolghan qeshqer alahide iqtisadiy tereqqiyat rayoni üchün shénjén shehiride mexsus ish béjirish merkizi qurup, xéridar chaqirishqa bashlighan.

"Qeshqer hökümet tori" ning xewer qilishiche, mezkur merkez 25-féwral resmiy ishqa kirishken.

Xewerge qarighanda, xéridar chaqirish merkizidiki xadimlar shénjénda "Qeshqer alahide iqtisadiy tereqqiyat rayonining ewzelliki" we xitay ölkiliridin chiqip meblegh salghuchilargha bérilidighan "Alahide étibar bérish siyasetliri" ni chüshendüridiken.

Qeshqerge alahide iqtisadiy tereqqiyat rayoni qurush pilanini shénjén sheherlik sheher pilanlash tetqiqat yurti üstige alghan idi.

Xewerlerde qeshqer alahide rayonigha meblegh salghuchi xitay shirketlirige étibar bérilidighanliqi körsitilgen bolsimu, mezkur rayon'gha meblegh salghuchi Uyghurlargha qandaq étibar siyasetliri barliqi otturigha qoyulmighan.

Uyghurlarning öz yurtlirida yeklinip, iqtisadiy tereqqiyatning sirtida qalduruluwatqanliqi delilliniwatqan mezgilde échilishqa bashlighan mezkur tereqqiyat rayonining yerlik Uyghurlargha qanchilik menpe'et élip kélidighanliqi hazirche namelum.

Toluq bet