Қәшқәр вилайитидики һөкүмәт тор бәтлириниң уйғурчә нусхиси нәшр қилинмиған

Мухбиримиз җүмә
2013-02-27
Елхәт
Пикир
Share
Принт

Хитай һөкүмәт даирилири қәшқәр вилайити тәвәсидики барлиқ һөкүмәт тор бәтлириниң уйғурчә нусхисини нәшр қилмиған.

Мухбиримизниң 27-февралдики тәкшүрүшигә қариғанда, уйғурлар әң көп олтурақлашқан вилайәтләрниң бири болған қәшқәр вилайити вә қәшқәр тәвәликидики барлиқ һөкмәт тор бәтлириниң уйғурчә нәшри йоқ икән.

Қәшқәр һөкүмитигә тәвә «қәшқәр учур тори» дики мәлуматларға қариғанда, бу тор 2002-йили рәсмий әнгә алдурулған. Өткән 10 йилдин буян мәзкур учур ториниң уйғур тилдики нәшри тарқитилмиған.

Қағилиқ наһийилик һөкүмәт торидики бир парчә сүрәтлик хәвәргә қариғанда, уйғур деһқанлириға аит йеза игилик йиғининиң вивискисидиму уйғурчә хәтләргә орун берилмигән.

Қәшқәрдики һәр дәриҗилик хәлқ һөкүмәтлиригә тәвә тор бәтлириниң пүтүнләй хитай тилида болуши, бу һөкүмәтләрниң кимгә вәкиллик қилидиғанлиқиға нисбәтән соал туғдурмақта.

Һөкүмәт орунлириға бу вәҗидин қилған телефонлиримиз җавабсиз қалдурулди.

Хитай даирилири йеқинқи йиллардин буян аталмиш «қош тил маарипи» сияситини қаттиқ йолға қоюп, уйғур тилиниң ишлитиш даирисини барғанчә тарайтқан иди.

Пикирләр (0)
Share
Толуқ бәт