Qeshqer wilayitidiki hökümet tor betlirining Uyghurche nusxisi neshr qilinmighan

Muxbirimiz jüme
2013-02-27
Élxet
Pikir
Share
Print

Xitay hökümet da'iriliri qeshqer wilayiti tewesidiki barliq hökümet tor betlirining Uyghurche nusxisini neshr qilmighan.

Muxbirimizning 27-féwraldiki tekshürüshige qarighanda, Uyghurlar eng köp olturaqlashqan wilayetlerning biri bolghan qeshqer wilayiti we qeshqer tewelikidiki barliq hökmet tor betlirining Uyghurche neshri yoq iken.

Qeshqer hökümitige tewe "Qeshqer uchur tori" diki melumatlargha qarighanda, bu tor 2002-yili resmiy en'ge aldurulghan. Ötken 10 yildin buyan mezkur uchur torining Uyghur tildiki neshri tarqitilmighan.

Qaghiliq nahiyilik hökümet toridiki bir parche süretlik xewerge qarighanda, Uyghur déhqanlirigha a'it yéza igilik yighinining wiwiskisidimu Uyghurche xetlerge orun bérilmigen.

Qeshqerdiki her derijilik xelq hökümetlirige tewe tor betlirining pütünley xitay tilida bolushi, bu hökümetlerning kimge wekillik qilidighanliqigha nisbeten so'al tughdurmaqta.

Hökümet orunlirigha bu wejidin qilghan téléfonlirimiz jawabsiz qalduruldi.

Xitay da'iriliri yéqinqi yillardin buyan atalmish "Qosh til ma'aripi" siyasitini qattiq yolgha qoyup, Uyghur tilining ishlitish da'irisini barghanche taraytqan idi.

Toluq bet