Bu yil qosh til ma'aripini kücheytish we omumlashturush eng muhim wezipe qatarida ijra qilinidiken

Muxbirimiz irade
2017-01-25
Élxet
Pikir
Share
Print

Tengritagh toridin bérilgen xewerdin qarighanda, yekshenbe küni Uyghur aptonom rayoni da'iriliri ma'arip xizmiti yighini chaqirip, Uyghur élining ma'arip xizmetliridiki 13 nuqtiliq xizmetni békitip chiqqan bolup, ularning asasliqi qosh til ma'aripini omumlashturushqa munasiwetlik.

Bu maddilar ichide eng asasliq orunda turidighanliri qosh til yesli ma'aripini omumlashturush, ottura-bashlan'ghuch mektepler qosh til ma'aripini kücheytish we shundaqla qosh til oqutquchi sépini toluqlash qatarliqlardin ibaret.

Uyghur aptonom rayon da'iriliri Uyghur élining jenubidiki 3 wilayet we bir oblastni asas qilghan jaylarda qosh til yeslilirini omumlashturushni Uyghur élida menggülük eminlik berpa qilishtin ibaret bash nishanning asaslirining biri ikenlikini körsitip, Uyghur balilirini yeslidin bashlap, xitay tilida terbiyeleshni asas qilidighan bu siyasetni naraziliqlargha qarimay kücheytip ijra qilmaqta. Da'iriler téxi yéqinda 4387 yéza qosh til yeslisini köpeytip quridighanliqi we kéngeytidighanliqini shuningdek bu yilning axirighiche yézilardiki yeslide oquwatqan balilarning sanini 1 milyon 129 minggha yetküzidighanliqini jakarlighan idi. Uyghur ziyaliyliri yesli balilirigha mejburiy ijra qiliniwatqan bu siyasetning Uyghur ana tili we milliy medeniyitide ösüp yétilishi hem uni rawajlandurushqa nisbeten zor xewp élip kélidighanliqini bildürüshmekte.

Yuqirida békitilgen ma'arip xizmitidiki 13 nuqtiliq xizmetler ichide yene, ichkiri ölkilerdiki shinjang siniplirida oquwatqan oqughuchilargha qaritilghan terbiyilesh we bashqurushni kücheytish xizmitimu orun alghan.

Toluq bet