Хитай даирилири бу йил уйғур районидики «қош тил» йәслилиригә 10 миң оқутқучи қобул қилиду

Мухбиримиз әркин
2017-03-31
Елхәт
Пикир
Share
Принт

Хитай даирилири уйғур районидики 3 йиллиқ «қош тил» йәслилирини давамлиқ кеңәйтип, униңға техиму көп оқутқучи қобул қилишни қарар қилған.

Хитай шинхуа агентлиқиниң хәвәр қилишичә, уйғур аптоном районлуқ маарип назарити 2017‏-йили уйғур районида 4387 «қош тил» йәслисиниң йеңидин қурулидиғанлиқи яки кеңәйтип қурулуп, 10 миң оқутқучи қобул қилинидиғанлиқини билдүргән.

Әгәр бу 10 миң «қош тил» йәсли оқутқучиси қобул қилинса, бу өткән йилдин бир һәссә артуқ қобул қилинған болиду. Даириләр 2016‏-йили 3500 нәпәр йәсли оқутқучиси қобул қилған. Маарип назарити, «қош тил» оқутқучилирини техиму көп тәрбийиләп, алий мәктәп пүттүргән оқуғучиларниң «қош тил» оқутқучиси болушқа техиму көп риғбәтләндүрүлидиғанлиқини билдүргән.

Хитай һөкүмити йеқинқи йиллардин бери, уйғурларда «қош тил» йәсли маарипиға болған әндишә күчәйгәнсери, униңға мәбләғ селишни ашуруп, 2020‏-йилға қәдәр «қош тил» маарипини уйғур аптоном районида омумлаштуруп болушқа күчимәктә. Хитай хәлқ қурултийиниң бу йил 2‏-айда чақирилған мәмликәтлик йиғинида бәзи хитай вәкилләр уйғур районида «қош тил» маарипини давамлиқ күчәйтиш тәклипи сунған.

Хитай рәиси ши җинпиң уйғур райони вәкиллириниң гуруппа йиғиниға қатнашқанда «қош тил» маарипини күчәйтишни тәкитлигән. Бирақ хитайниң «қош тил» маарипи уйғур зиялийлири вә тәшкилатлирини изчил әндишигә селип кәлгән. Улар, буниң уйғур ана тил тәрәққиятини боғуп, уйғур миллий маарипини йоқитидиғанлиқини, уйғур балилирини өзиниң мәдәнийити вә әнәнилиридин йирақлаштуридиғанлиқини агаһландуруп кәлгән.

Пикирләр (0)
Share
Толуқ бәт