"Men shinjangdin keldim" namliq kitab xitayda keng teshwiq qilinmaqta

Muxbirimiz qutlan
2014-12-22
Élxet
Pikir
Share
Print


Yéqinda xitay hökümet taratquliri arqa - arqidin xewer bérip, Uyghur aptor qurbanjan semet yazghan "Men shinjangdin keldim" namliq kitabning xitayda eng bazar tapqan 10 kitabning biri bolghanliqini dawrang salmaqta.

Melum bolushiche, qurbanjan semet xitay merkiziy téléwiziye istansisining opératori bolup, mezkur kitabni xitayche tilida yézip neshr qildurghan.

Bu kitabta xitay ölkiliride yashawatqan we xizmet qiliwatqan shundaqla öz kespiy saheside utuq qazandi dep qaralghan 100 din artuq shexsning ish - pa'aliyetliri tonushturulghan. Ularning ichide seypidin ezizining qizidin tartip, xitay ölkiliride xitaylar bilen toylashqan yaki ikki millettin tughulghan "Muweppeqiyet qazan'ghuchi" shalghut "Uyghur" largha qeder 100 din artuq atalmish "Shinjangliq" larning hékayisi sözlen'gen.

Aptor bu kitabi arqiliq xitay tilliq oqurmenlerge "Shinjangliqlar" ning taratqularda körsitilgendek "Térrorchi", "Diniy ashqun" yaki "Zorawan" lardin emes, belki "Jungxu'a milletlirining büyük ittipaqliqi" gha töhpe qoshqan "Az sanliq millet" lerning biri ikenlikini körsitishni meqset qilghan iken.

Mezkur kitab bazargha sélinipla aptori qurbanjan semetning xitaydiki ataqliq yazghuchigha aylan'ghanliqi we bu kitabning xitayda eng bazar tapqan 10 kitab tizimlikige kirgenliki xewer qilin'ghan.

Melum bolushiche, yéqinda xitay memliketlik siyasiy kéngeshning re'isi yü jéngshéng, Uyghur aptonom rayonluq partkomning sékritari jang chünshen we Uyghur aptonom rayonining qorchaq re'isi nur bekri qatarliqlar qurbanjan semetni ayrim - ayrim qobul qilghan we uning kitabini alahide maxtighan.

Közetküchiler, qurbanjan semet aptorluqidiki bu kitabning emeliyette xitayning siyasiy teshwiqati üchün destek boluwatqanliqini ilgiri sürmekte.

Toluq bet