Rabiye qadir xanim G20 yighinigha qatnashqan dölet rehberlirini xitaygha qattiq bésim ishlitishke chaqirghan

Muxbirimiz sada
2019-06-28
Élxet
Pikir
Share
Print

28-Iyun yaponiyening osaka shehiride G20 yighini échildi. Del mushu waqitta dunya Uyghur qurultiyining sabiq aliy rehbiri rabiye qadir xanim osakagha yétip bérip, herqaysi dölet rehberlirini xitayning Uyghur diyarida élip bériwatqan qirghinchiliqini toxtitish heqqide shi jinpinggha bésim ishlitishke chaqirghan.

"Hindistan waqti" gézitining 28-iyundiki xewirige qarighanda, G20  yighini mezgilide rabiye qadir xanim muxbirlargha söz qilip, "Pütkül Uyghur milliti éghir tehditke duch kéliwatidu, bu bir ré'al we jiddiy weziyettur," dégen shundaqla eger xitayning soda sahesidiki shérikliri bu weziyetke qarita jiddiy tedbir almisa, Uyghur medeniyitining weyran bolup kétidighanliqini bildürgen.

Rabiye qadir xanim sözide yene "Men yawropadiki xitaygha iqtisadiy jehettin béqinip qalghan döletlerning uyqusini échishini, xitayning Uyghur diyaridiki qirghinchiliqlirini tosushni we bu jehette emeliy heriket qollinishini ümid qilimen," dégen.

G20 Yighini échilishtin bir hepte ilgiri yaponiye xitayning qattiq qarshi turushigha qarimay rabiye qadir xanimgha wiza bérip, uning mezkur yighin jeryanida yaponiyede siyasiy pa'aliyetlerge qatnishishigha yol qoyghan idi. "Hindistan waqti" gézitining mezkur xewiride xitay hökümiti üchün "Tehdit" dep qariliwatqan shundaqla "Bölgünchilik" bilen eyibliniwatqan rabiye qadir xanimning shi jinpingning aldida peyda bolushi uni qattiq ghezeplendürgen bolushi mumkinliki tilgha élin'ghan.

Toluq bet