Гавшюң шәһириниң башлиқи рабийә қадирниң филимини қоюшта немә үчүн чиң турғанлиқини ашкарилиди

Мухбиримиз әркин
2017-12-19
Елхәт
Пикир
Share
Принт

Йеқинда тәйвәндики бир нәшрият гавшюң шәһириниң башлиқи чен җүниң әслимисини нәшр қилди. Чен җү әслимисидә 2009‏-йили өткүзүлгән гавшюң хәлқара кино фестивалида уйғур рәһбири рабийә қадир һәққидики һөҗҗәтлик филими сәвәблик келип чиққан кризис һәққидә тохтилип, өзиниң немә үчүн бу филимни қоюшта чиң турғанлиқини чүшәндүргән.

Тәйвән мәркизи агентлиқиниң хәвәр қилишичә, чен җү «хуа аниниң йүрәк сөзлири, чен җүниң 4000 миң күни» мавзулуқ әслимисидә мәзкур филимни қоюш-қоймаслиқ«сөз әркинлики, етиқад әркинлики вә түп кишилик қиммәт қаришиға мунасивәтлик мәсилә иди»дегән.

Австралийәлик филим ишлигүчиниң режиссорлуқидики «муһәббәтниң 10 шәрти » сәрләвһилик бу филим 2009‏-йили гавшйиоңда өткүзүлгән хәлқара филим фестивалиға қатнаштурулған. Бирақ гавшюң шәһири бейҗиң даирилириниң бу филимни фестивалға қатнаштурмаслиқ һәққидики қаттиқ бесимиға учриған. Бейҗиң һөкүмити чен җүни икки қирғақ оттурисидики достлуқ кәйпиятиға бузғунчилиқ қилиш билән әйибләп, әгәр бу филим фестивалға қатнаштурулса, гавшюң шәһирини җазалайдиғанлиқи, гавшюңға келидиған хитай саяһәтчилирини тохтитидиғанлиқини билдүргән. Чен җү йәнә гавшюң шәһәрлик парламентитки гоминдаң парламент әзалириниң тәнқидигә учриған. Гоминдаңчилар бу филим сәвәблик гав шюң шәһири учрайдиған зиянға чен җү җавабкар болидиғанлиқини илгири сүргән. Бирақ чен җү бейҗиң һөкүмитиниң тәлипи вә гоминдаңниң бесимини рәт қилған.

Мәркизи агентлиқиниң хәвиридә қәйт қилинишичә, чен җү әслимисидә «әгәр гав шюң шәһири хитайниң бесимида бу филимни қоймиған болса, бизниң мәйданимиз болмиған болатти». . . . . . . « Буниңға өлсәкму амал йоқ, каллимиз кәтсиму буниңға тәвәккүл қилишиз керәк иди. Чүнки, бу сөз әркинлики, етиқад әркинлики, түп кишилик қиммәт қаришиға алақидар мәсилә иди»дегән.

Пикирләр (0)
Share
Толуқ бәт