Седа ларуң будда институтиниң чеқилишиға нарази болған раһибә өлүвалған

Мухбиримиз меһрибан
2016-09-05
Елхәт
Пикир
Share
Принт

Бошүн ториниң 5-сентәбир чәтәлләрдики тибәт тәшкилатлири хәвиридин нәқил елип хәвәр беришичә, сичүәндики седа ларуң будда институтидики аял раһибә өлүвелиш арқилиқ институтниң чеқилишиға наразилиқини билдүргән.

Вәқә бу йил 8-айниң 17-күни йүз бәргән болуп, мәзкур мәктәпниң сичүән өлкиси абий области хуңйүән наһийиси мива йезисидин кәлгән 20 яшлиқ раһибә серин җума өзини есип өлүвалған. Серин җума қалдурған вәсийәт хетидә даириләрниң мәктәпни рәтләш намида институт биналирини мәҗбурий чеқиши вә оқуғучиларни қисқартишиға наразилиқини ипадилигән.

Хитай вә хәлқара таратқуларниң хәвәрлиридин мәлум болушичә, 2015-йили 8-айниң 24-, 25-күнлири хитайда ечилған диний ишлар йиғинида седа ларуң будда институтини рәтләш қарари елинған.

Бу йил 4-айда сичүән өлкилик һөкүмәт һөҗҗәт чиқирип, 2017-йилға қәдәр мәзкур мәктәптики оқуғучилар санини 5000 нәпәр ичидә контрол қилидиғанлиқини елан қилип, мәктәптики бир түркүм оқуғучиларниң қисқартилидиғанлиқи вә мәктәптики бәзи қурулушларниң чеқилидиғанлиқини уқтурған. 20-Июл күни мәктәптә оқуғучиларни өз юртиға мәҗбурий қайтуруш вә бир қисим қурулушларни чеқиш ишини рәсмий башлиған.

Пикирләр (0)
Share
Толуқ бәт