Réyna kulubi qatili resmiy türde qolgha élindi

Muxbirimiz ümidwar
2017-02-12
Élxet
Pikir
Share
Print

Yéngi yil kéchisi istanbuldiki réyna kechlik kulubida qirghinchiliq élip barghan, kélip chiqishi özbékistanliq abduqadir masharipow istanbul rayonluq sotining qarari bilen resmiy türde qolgha élin'ghan.

Ottura asiya uchur torining türkiye metbu'atliridin neqil élishiche, istanbul saqchi idarisining térrorluqqa qarshi küresh qilish bashqarmisi 16-yanwar küni abduqadir masharipowni qolgha chüshürgendin kéyin, uning délosi üstide tekshürüsh élip barghan bolup, u özining "Asasiy qanun tüzümini aghdurushqa urunush", "Térrorluq teshkilatining pa'aliyetlirige qatnashqanliqi we tinch puqralarni öltürgenliki" qatarliq jinayetlirini étirap qilghan.

Abduqadir masharipow 2017-yilini kütüwélish yéngi yil kéchiside istanbuldiki meshhur réyna kulubigha suqunup kirip, aptomatik qoral bilen oq chiqirip, 39 ademni öltürüp, 69 ademni yarilandurghandin kéyin 16 kün yoshurunup yürüp axiri qolgha chüshken idi. U, özining réyna kulubigha hujum qilish jeryani, kimning özige buyruq bergenliki we özining da'ish ezasi ikenliki qatarliqlarni étirap qilghan shuningdek mezkur melumatlar ilgiri metbu'atlarda ashkarilan'ghan idi.

Toluq bet