Хитай хәвпсизлик кеңишиниң роһенга мусулманлири һәққидики қарариға йәнә қарши турди

Мухбиримиз әркин
2017-11-06
Елхәт
Пикир
Share
Принт

Б д т хәвпсизлик кеңишиниң роһенга мусулманлириға қаритилған зораванлиққа хатимә бериш һәққидики қарари дүшәнбә күни нә хитайниң қарши турушиға учриған.

Фирансийә агентлиқиниң хәвәр қилишичә, хитай турғачқа хәвпсизлик кеңиши қарар лаһийәсини мақуллашқа амалсиз қалған. Нәтиҗидә, хәвпсизлик кеңиши баянат елан қилип, өзиниң роһенга кризисидики мәйданини ипадилигән. Баянтта, зораванлиққа хатимә бериш, инсанпәрвәрлик ярдими вә роһенгаларниң юртиға қайтишиға йол қоюш тәләп қилинған. Хәвпсизлик кеңишиниң қарарини өткән айда фирансийә билән әнглийә оттуриға қойған.

Фирансийә агентлиқиниң хәвәр қилишичә, хитай қарар лайиһәси бирмидики кризисини һәл қилишқа пайдисиз, дегәнни баһанә қилип, униңға қарши чиққан. Бирақ у хәвпсизлик кеңишидики башқа дөләтләр билән содилишип, ахири баянат елан қилишқа қошулған. Фирансийә агентлиқиниң қәйт қилишичә, баянатниң мәзмуни қарар лаһийәсиниң мәзмуни билән охшаш болсиму, бирақ баянатниң қарар лаһийәсидәк күчи йоқ икән.

Бәзи көзәткүчиләр, хитайниң бирмини қоллишиниң гео-стратегийәлик сәвәби барлиқи, бирма-йүннән енергийә туруба йоллириниң роһенга мусулманлири олтурушлуқ районлардин өтидиғанлиқини илгири сүрүп кәлди. Бәзи тәшкилатларниң илгири сүрүшичә, хитай бу оюнни охшашла пакистандиму ойнимақта икән. Йеқинда бәзи тәшкилатлар хитайниң пакистанға янтаяқ болуп, балучларни бастурушиға ярдәм қиливатқанлиқини илгири сүргән. Мәркизи лондондики «әркин балучилар һәрикити» тәшкилати хитайниң балуҗистан земинини тартивелишқа урунуватқанлиқи, хитайниң бу ишта пакистан билән һәмкарлишиватқанлиқини билдүргән иди.

Хитайниң роһенга кризисида бермини қоллиши хәлқара кишилик һоқуқ тәшкилатлириниң қаттиқ наразилиқиини қозғап кәлгән. Өткән җүмә күни кишилик һоқуқ көзитиш тәшкилати хәлқара җинайи ишлар сотиниң бирмиға уруш җинайити садир қилиш билән дело турғузушини тәләп қилған.

Пикирләр (0)
Share
Толуқ бәт