Xitay we rusiye rohéngga musulmanlirining mesiliside tenqidke uchridi

Muxbirimiz irade
2017-12-28
Élxet
Pikir
Share
Print

Xitay we rusiyening bérma armiyisining rohéngga musulmanlirigha qaratqan basturushini toxtitish üchün élinmaqchi bolghan bezi qararlarni qollimasliqi tenqidke uchrighan. Roytérsning xewer qilishiche, birleshken döletler teshkilatidiki musteqil közetküchiler xitay we rusiyeni birma armiyisining rohéngga musulmanlirigha qaratqan basturushini toxtitishqa munasiwetlik b d t qararlirini qollimighanliqini tenqidligen. B d t alahide doklatchisi yangxéli sözide "Xelq'ara jama'et bu ikki döletke dawamliq bésim ishlitip, ularni kishilik hoquqni yaqilashqa köndürüshi kérek" dégen.

Xitay we rusiye her ikkilisi bérma armiyisining rohéngga musulmanlirini basturup, netijide 600 mingdin oshuq rohin'galiqlarning öy-jay makanidin ayrilishigha sewebchi bolmighanliqini tenqid qilmighan idi. Emma amérika, yawropa ittipaqi, dunya islam hemkarliqi teshkilati qatarliqlar hemmisi bérma hökümitini tenqid qilghan. 

Emma xitay tashqi ishlar bayanatchisi xu'a chünying bügünki sözide, yuqiridiki b d t alahide doklatchisigha jawab qayturup: "Tashqi küchlerning kishilik hoquq mesiliside bésim ishlitishi mesilini hel qilmaydu, mesilini téximu murekkepleshtürüwétidu" dégen. Shundaqla u mesilini bérmining özi hel qilishi kéreklikini eskertken. 

Bérma armiyisi rohéngga yézilirida ot qoyush, adem öltürüsh, basqunchiliq qilish bilen eyiblenmekte. B d t we shundaqla amérika bérmini "Étnik qirghinchiliq" dep bahalighan. Emma xewpsizlik kéngishidiki da'imiy 5 ezaning ikkisi bolghan xitay we rusiyening bu mesilidiki pozitsiyisi bérma hökümitining xelq'ara sotta "Insanliqqa qarshi jinayet" bilen eyiblinishige tosqunluq qilmaqta. 

Birma hökümiti bolsa xelq'araning eyiblishini ret qilish bilen birlikte, bérma axbaratlirinimu qattiq basturmaqta.

Toluq bet