Rus-xitay déngiz küchliri yapon déngizida manéwir ötküzidu

Muxbirimiz ümidwar
2017-09-17
Élxet
Pikir
Share
Print

Rusiye bilen xitay yaponiye etrapida birleshme herbiy manéwir bashlash aldida turmaqta, rusiye agéntliqliridin, "Rus bahari" ning ashkarilishiche, 18-din 26-séntebirgiche ötküzülidighan mezkur birleshme manéwir rusiyening tinch okyan flotining bazisida élip bérilidiken. Mezkur birleshme manéwirgha rusiye we xitay terep 11 su üsti we ikki su asti paraxoti qatnashturidighan bolup, bularning hemmisi ilghar we yaxshi qorallan'ghan herbiy paraxotlardur.

Bulardin bashqa yene herbiy manéwirgha rusiye déngiz armiyisining alte dane her xil ayropilanliri we xitayning ikki herbiy ayropilani qatnashturulidiken.

"Déngizdiki hemkarliq 2017" dep atalghan mezkur birleshme manéwir ötküzülidighan rayon ikki bölekke ayrilghan bolup, bir böliki wladiwostoktiki déngiz qirghiqida bolup, ikki terep déngiz armiyisining quruqluqta jeng qilghuchi qisimliri manéwir ötküzidiken. Ular arqidin, 22-séntebirdin bashlap, oxot déngizi we yapon déngizi rayonida manéwir qilidiken.

Rusiye-xitay déngiz armiyisining birleshme manéwiri shimaliy koréye krizisi éghirlashqan, amérika we b d t ning shimali koréyening yadro siniqi élip bérishini toxtitishni qattiq telep qiliwatqan peytke toghra keldi. Piyongyangning moskwa we béyjingning kona ittipaqchisi ikenliki tekitlinip kélin'gen idi.

Toluq bet