Роза һейтлиқ дәм елиш бикар қилинди, қәшқәр топ сетиш базарлириниң маллири тохтап қалди

Мухбиримиз меһрибан
2014-07-29
Елхәт
Пикир
Share
Принт

Иҗтимаий алақә васитилиридә тарқалған учурлардин мәлум болушичә, 28-июл йәкән тоқунушидин кейин уйғур елидики идарә, органлардики хизмәтчиләрниң роза һейтлиқ дәм елиши бикар қилинған. Йәкән наһийисидә учур қамал қилинип, телефон-интернет алақиси үзүлгән.

Қаримайдики хитай тордашлири йоллиған үндидар учурлирида, қаримай шәһиридә роза һейтлиқ дәм елиш бикар қилинғанлиқи уқтурулғанлиқи вә уйғур аптоном райониниң башқа шәһәр, районлиридиму һөкүмәт хизмәтчилириниң роза һейтлиқ дәм елиши бикар қилинғанлиқи хәвәр қилинди.

Көзәткүчиләрниң қаришичә, уйғурларниң байрамлиқ қануний дәм елишиниң бикар қилиниши вәзийәтниң җиддийлик дәриҗисини көрситидикән.

Үндидар, ч ч торидики хәвәрләрдин мәлум болушичә, қәшқәр вилайити тәвәсидә йәнә қәшқәр шәһиридин һәрқайси наһийиләргә мал йөткәшму йәкән тоқунуши сәвәбидин тохтап қалған. 29-Июл сав хйңйән исимлик бөлүм башлиқи дәриҗилик хадим тәрипидин үндидар ториға йолланған җиддий уқтурушта, қәшқәр вилайитиниң йәкән вә мәкит наһийисидә 27-июл түн ниспидин кейин(йәни 28-июл сәһәрдә) йүз бәргән зораванлиқ һуҗуми қәшқәр шәһиригә тәһдит елип кәлгини үчүн, қәшқәр шәһиридики топ тарқитиш базиридин бу наһийиләргә мал йөткәшниң тохтитилғанлиқи, әслигә келиш вақти һәққидә кейин айрим уқтуруш чиқирилидиғанлиқи әскәртилгән.

Пикирләр (0)
Share
Толуқ бәт