Roza héytliq dem élish bikar qilindi, qeshqer top sétish bazarlirining malliri toxtap qaldi

Muxbirimiz méhriban
2014-07-29
Élxet
Pikir
Share
Print

Ijtima'iy alaqe wasitiliride tarqalghan uchurlardin melum bolushiche, 28-iyul yeken toqunushidin kéyin Uyghur élidiki idare, organlardiki xizmetchilerning roza héytliq dem élishi bikar qilin'ghan. Yeken nahiyiside uchur qamal qilinip, téléfon-intérnét alaqisi üzülgen.

Qarimaydiki xitay tordashliri yollighan ündidar uchurlirida, qarimay shehiride roza héytliq dem élish bikar qilin'ghanliqi uqturulghanliqi we Uyghur aptonom rayonining bashqa sheher, rayonliridimu hökümet xizmetchilirining roza héytliq dem élishi bikar qilin'ghanliqi xewer qilindi.

Közetküchilerning qarishiche, Uyghurlarning bayramliq qanuniy dem élishining bikar qilinishi weziyetning jiddiylik derijisini körsitidiken.

Ündidar, ch ch toridiki xewerlerdin melum bolushiche, qeshqer wilayiti teweside yene qeshqer shehiridin herqaysi nahiyilerge mal yötkeshmu yeken toqunushi sewebidin toxtap qalghan. 29-Iyul saw xyngyen isimlik bölüm bashliqi derijilik xadim teripidin ündidar torigha yollan'ghan jiddiy uqturushta, qeshqer wilayitining yeken we mekit nahiyiside 27-iyul tün nispidin kéyin(yeni 28-iyul seherde) yüz bergen zorawanliq hujumi qeshqer shehirige tehdit élip kelgini üchün, qeshqer shehiridiki top tarqitish baziridin bu nahiyilerge mal yötkeshning toxtitilghanliqi, eslige kélish waqti heqqide kéyin ayrim uqturush chiqirilidighanliqi eskertilgen.

Toluq bet