Москва қатарлиқ шәһәрләрдә кәң көләмдә намайиш өткүзүлди

Мухбиримиз үмидвар
2013-04-07
Елхәт
Пикир
Share
Принт

Шәнбә күни русийә пайтәхти москва шәһиридә кәң көләмлик демократик вә һоқуқ қоғдаш мәзмун қилинған намайиш йүз бәрди. Русийидики һоқуқ қоғдаш вә кишилик һоқуқ тәшкилатлири 6 - април күнини сиясий җинайәтчиләрни қоюп бериш үчүн ортақ һәрикәт қилиш күни қилип бекиткән. Сиясий җинайәтчиләрни қоюп беришни тәләп қилидиған намайиш һәрикити москвадин башқа йәнә санкитпетербург вә башқа шәһәрләрдиму елип берилған.

Русийә агентлиқлириниң хәвәр қилишичә шәнбә күни москвада өткүзүлгән намайишқа 2 миңдин артуқ адәм қатнашқанлиқи ейтилмақта. Намайишчиларниң хели көп қисимини адвокатлар, түрмидә йетиватқан сиясий җинайәтчиләрниң достлири, уруғ - туғқанлири вә қоллиғучилири тәшкил қилған. Улар владимир путин һөкүмитини тинч намайиш өткүзгән вә кишилик һоқуқ паалийәтлири билән шуғулланған кишиләрни тутқун қилмаслиққа, түрмидикиләрни қоюп беришкә чақирған.

Өткән йили, 6 - април күни москвада кәң көләмлик намайиш йүз бәргәндә сақчилар билән тоқунуш келип чиқип 4 йүздин артуқ адәм қолға елинған иди. Уларниң хели көпи һазирғичә түрмидә ятмақта икән.

Интерфакис агентлиқиниң хәвәр қилишичә, йәкшәнбә күни москвада өктичиләрниң « иттипақлиқ» һәрикитиниң қурултийи ечилған болуп, «иттипақлиқ» ниң рәһбәрлиридин бири, даңлиқ шахматчи гарри каспаров рәһбәрлик вәзиписидин истипа бәргән.

Пикирләр (0)
Share
Толуқ бәт