Русийә хитай қурған банкиға әза болидиғанлиқини билдүрди

Мухбиримиз үмидвар
2015-03-29
Елхәт
Пикир
Share
Принт


Русийә хитай қурған асия асасий қурулуш мәбләғ селиш банкисиға қатнишидиғанлиқини рәсмий түрдә билдүрди.

Б б с ниң хәвәр қилишичә, русийә муавин президенти игор шувалов президент путинниң русийәниң мәзкур банкиға қатнишиш қарарини тәстиқлиғанлиқини җакарлиди.

Һазирғичә мәзкур банкиға 30 дөләт қатнишидиғанлиқини билдүргән. Хитай америкиниң қатнишишини қарши алидиғанлиқини билдүргән.

Русийә тәрәп йәнә хитайниң йипәк йоли иқтисадий бәлвеғи қуруш идийиси қоллайдиғанлиқини тәкитлигән.

Дәсләпки мәблиғи 50 милярд доллар қилип бекитилгән бу банка асаслиқи асия дөләтлири вә районлириниң енергийә, қатнаш, учур вә башқа саһәлири үчүн мәбләғ селишни мәқсәт қилидикән.

Русийә ғәрбниң өзигә қаратқан иқтисадий имбарголириға тақабил туруш үчүн хитай билән болған һәр қандақ хилдики һәмкарлиқларни күчәйтиватқанлиқи, болупму енергийә, сода иқтисадий тәрәпләрдики һәмкарлиқини ашуриватқанлиқи мәлум.

Пикирләр (0)
Share
Толуқ бәт