«Үрүмчи кәчлик гезити»: санаәт үрүмчи шәһириниң һавасини булғивәтти

Мухбиримиз шөһрәт һошур
2017-12-28
Елхәт
Пикир
Share
Принт

«Үрүмчи кәчлик гезити» бүгүн үрүмчи һавасиниң булғинишиниң сәвәблири һәққидә бир парчә хәвәр елан қилди. Хәвәрдә тунҗи қетим һава булғинишиға үрүмчи шәһиридә қурулған завут-карханилар вә барғансери көпийиватқан маторлуқ қатнаш қораллириниң асаслиқ сәвәб болғанлиқини тилға елинди.

Хәвәрдә дейилишичә, үрүмчидә йеқинқи йилларда қурулған завут-карханилар вә көмүр йеқилғуси тарқатқан нитрогин оксид вә башқа органик маддилар һаваниң сиғдурушчанлиқидин һалқип кәткән. Нәтиҗидә һава муһити көп тәрәплимә булғиниш һадисисини кәлтүрүп чиқарған. Хәвәрдә йәнә 2014-йилдин башлап үрүмчидә йилиға 100 миңдин артуқ кишиниң шәхсий аптомобил сетивалғанлиқи, нөвәттә үрүмчи аһалилиригә тәвә аптомобил саниниң бир милйондин ашқанлиқи билдүрүлгән. Нөвәттә аптомобиллардин тарқалған нитрогин гази 50 тонна, парлинишчан органик мадда 28 тонниға йетип, шәһәр һавасини булғаватқан муһим амиллардин биригә айланған. 

Хитай даирилири һазирға қәдәр уйғур аптоном районидики иқтисадий сияситиниң районни гүлләндүргәнлики вә хәлқниң турмушини йүксәлдүргәнликини тәшвиқ қилип келиватқан болса, муһаҗирәттики уйғур паалийәтчиләр райондики тәрәққияттин пәқәтла хитай көчмәнлириниң бәһримән болуватқанлиқини илгири сүрмәктә. Улар йәнә уйғурларниң бу тәрәққиятниң мәнпәәт тәқсиматида чәттә қалдурулуватқанлиқини, район екологийәсиниң күнсайин бузулуватқанлиқини, болупму һаваниң еғир дәриҗидә булғиниватқанлиқини тәкитлимәктә.

Пикирләр (0)
Share
Толуқ бәт