"Ürümchi kechlik géziti": sana'et ürümchi shehirining hawasini bulghiwetti

Muxbirimiz shöhret hoshur
2017-12-28
Élxet
Pikir
Share
Print

"Ürümchi kechlik géziti" bügün ürümchi hawasining bulghinishining sewebliri heqqide bir parche xewer élan qildi. Xewerde tunji qétim hawa bulghinishigha ürümchi shehiride qurulghan zawut-karxanilar we barghanséri köpiyiwatqan matorluq qatnash qorallirining asasliq seweb bolghanliqini tilgha élindi.

Xewerde déyilishiche, ürümchide yéqinqi yillarda qurulghan zawut-karxanilar we kömür yéqilghusi tarqatqan nitrogin oksid we bashqa organik maddilar hawaning sighdurushchanliqidin halqip ketken. Netijide hawa muhiti köp tereplime bulghinish hadisisini keltürüp chiqarghan. Xewerde yene 2014-yildin bashlap ürümchide yiligha 100 mingdin artuq kishining shexsiy aptomobil sétiwalghanliqi, nöwette ürümchi ahalilirige tewe aptomobil sanining bir milyondin ashqanliqi bildürülgen. Nöwette aptomobillardin tarqalghan nitrogin gazi 50 tonna, parlinishchan organik madda 28 tonnigha yétip, sheher hawasini bulghawatqan muhim amillardin birige aylan'ghan. 

Xitay da'iriliri hazirgha qeder Uyghur aptonom rayonidiki iqtisadiy siyasitining rayonni güllendürgenliki we xelqning turmushini yükseldürgenlikini teshwiq qilip kéliwatqan bolsa, muhajirettiki Uyghur pa'aliyetchiler rayondiki tereqqiyattin peqetla xitay köchmenlirining behrimen boluwatqanliqini ilgiri sürmekte. Ular yene Uyghurlarning bu tereqqiyatning menpe'et teqsimatida chette qalduruluwatqanliqini, rayon ékologiyesining künsayin buzuluwatqanliqini, bolupmu hawaning éghir derijide bulghiniwatqanliqini tekitlimekte.

Toluq bet