Үрүмчидә сақал қойған кишиләргә бензин сатмаслиқ йолға қоюлған

Мухбиримиз үмидвар
2013-11-25
Елхәт
Пикир
Share
Принт

Дуня уйғур қурултийиниң баянатчиси дилшат решитниң радиомизға мәлум қилишичә, 28-өктәбир тйәнәнмен вәқәсидин кейин үрүмчи қатарлиқ җайларда сақал қойған уйғурларға бензин сатмаслиқ уқтуруши чүшүрүлгән.

Униң игилишичә, йеқиндин буян үрүмчиниң тәңритағ райони вә сайбағ райониниң дөләт аманлиқ идарилири бензин понкитлиридин аптомобиллири үчүн бензин алған 20 дин артуқ сақал қойған адәмни тутуп кәткән.

Һазирғичә бу адәмләрниң қоюп берилгән яки қоюп берилмигәнлики һәққидә учур йоқ икән.

Дилшат решитниң баян қилишичә, үрүмчидин сиртқи җайлардиму бензинларға болған назарәт күчәйтилгән болуп, өзлири җайлашқан җайлардин он нәччә километирдин артуқ йәргә бармақчи болғанлар бензин сетивелиш үчүн йәрлик сақчиханилардин рухсәт хети елиши керәк икән.

Мәлум болушичә, йеқинқи вақитлардин буян сақал қойған әрләр, ромал артқан вә һиҗабланған аялларниң җамаәт сорунлириға киришигә чәк қоюш техиму күчәйгән иди.

Пикирләр (0)
Share
Толуқ бәт