Ürümchide saqal qoyghan kishilerge bénzin satmasliq yolgha qoyulghan

Muxbirimiz ümidwar
2013-11-25
Élxet
Pikir
Share
Print

Dunya Uyghur qurultiyining bayanatchisi dilshat réshitning radi'omizgha melum qilishiche, 28-öktebir tyen'enmén weqesidin kéyin ürümchi qatarliq jaylarda saqal qoyghan Uyghurlargha bénzin satmasliq uqturushi chüshürülgen.

Uning igilishiche, yéqindin buyan ürümchining tengritagh rayoni we saybagh rayonining dölet amanliq idariliri bénzin ponkitliridin aptomobilliri üchün bénzin alghan 20 din artuq saqal qoyghan ademni tutup ketken.

Hazirghiche bu ademlerning qoyup bérilgen yaki qoyup bérilmigenliki heqqide uchur yoq iken.

Dilshat réshitning bayan qilishiche, ürümchidin sirtqi jaylardimu bénzinlargha bolghan nazaret kücheytilgen bolup, özliri jaylashqan jaylardin on nechche kilométirdin artuq yerge barmaqchi bolghanlar bénzin sétiwélish üchün yerlik saqchixanilardin ruxset xéti élishi kérek iken.

Melum bolushiche, yéqinqi waqitlardin buyan saqal qoyghan erler, romal artqan we hijablan'ghan ayallarning jama'et sorunlirigha kirishige chek qoyush téximu kücheygen idi.

Toluq bet