Уйғур тәшкилати явропа парламентини сахароф мукапатини илһам тохтиға беришкә чақирди

Мухбиримиз әркин
2016-09-30
Елхәт
Пикир
Share
Принт

Уйғур кишилик һоқуқ программиси 29‏- сентәбир баянат елан қилип, явропа парламентини бу йиллиқ сахароф мукапатини түрмидики атақлиқ уйғур өктичи зиялий илһам тохтиға беришкә чақирди.

Мәзкур органниң тәкитлишичә, сахароф мукапатини илһам тохтиға бериш «хитайға тинч кишилик һоқуқ паалийәтчилирини җимиқтурушқа болмайду» дегәнни билдүридикән. Уйғур кишилик һоқуқ программиси баянатида, «профессор илһам тохти хитайда уйғурларға тәң-баравәр муамилә қилишниң изчил садаси болуп кәлди вә шу арқилиқ кишилик һоқуққа алаһидә төһпиләрни қошти» дейилгән.

Явропа парламенти йеқинда илһам тохти, түркийәлик журналист җан дүндар қатарлиқ 4кишиниң бу йиллиқ сахароф кишилик һоқуқ мукапати намзатлиқиға талланғанлиқини җакарлиған. Сахароф мукапати явропа парламентиниң сабиқ совет иттипақи физика алими, кишилик һоқуқ паалийәтчиси андрей сахароф намиға тәсиси қилған нопузлуқ мукапатларниң бири. Хитай кишилик һоқуқ паалийәтчиси ху җя хитайдин һазирға қәдәр сахароф мукапатиға еришкән бирдин-бири киши.

Уйғур кишилик һоқуқ программиси баянатида йәнә, «сахароф мукапати пикир әркинлики үчүн илһам тохтиға берилсә, явропа парламенти хитайға униң шәрқи түркистандики әбҗәқ кишилик һоқуқ хатириси тоғрилиқ күчлүк сигнал бәргән болиду» дәп тәкитлигән.

Пикирләр (0)
Share
Толуқ бәт