Uyghur teshkilati yawropa parlaméntini saxarof mukapatini ilham toxtigha bérishke chaqirdi

Muxbirimiz erkin
2016-09-30
Élxet
Pikir
Share
Print

Uyghur kishilik hoquq programmisi 29‏- séntebir bayanat élan qilip, yawropa parlaméntini bu yilliq saxarof mukapatini türmidiki ataqliq Uyghur öktichi ziyaliy ilham toxtigha bérishke chaqirdi.

Mezkur organning tekitlishiche, saxarof mukapatini ilham toxtigha bérish "Xitaygha tinch kishilik hoquq pa'aliyetchilirini jimiqturushqa bolmaydu" dégenni bildüridiken. Uyghur kishilik hoquq programmisi bayanatida, "Proféssor ilham toxti xitayda Uyghurlargha teng-barawer mu'amile qilishning izchil sadasi bolup keldi we shu arqiliq kishilik hoquqqa alahide töhpilerni qoshti" déyilgen.

Yawropa parlaménti yéqinda ilham toxti, türkiyelik zhurnalist jan dündar qatarliq 4kishining bu yilliq saxarof kishilik hoquq mukapati namzatliqigha tallan'ghanliqini jakarlighan. Saxarof mukapati yawropa parlaméntining sabiq sowét ittipaqi fizika alimi, kishilik hoquq pa'aliyetchisi andréy saxarof namigha tesisi qilghan nopuzluq mukapatlarning biri. Xitay kishilik hoquq pa'aliyetchisi xu jya xitaydin hazirgha qeder saxarof mukapatigha érishken birdin-biri kishi.

Uyghur kishilik hoquq programmisi bayanatida yene, "Saxarof mukapati pikir erkinliki üchün ilham toxtigha bérilse, yawropa parlaménti xitaygha uning sherqi türkistandiki ebjeq kishilik hoquq xatirisi toghriliq küchlük signal bergen bolidu" dep tekitligen.

Toluq bet