"Shangxey hemkarliq teshkilati" ning yuqiri derijilikler yighini bu hepte axirida échilmaqchi

Muxbirimiz irade
2018-06-07
Élxet
Pikir
Share
Print

Roytérz agéntliqining bügünki xewirige qarighanda, xitay "Shangxey hemkarliq teshkilati" ning mushu hepte axiri échilidighan yuqiri derijilikler yighinida rayonida "Radikalliqqa qarshi urush" ni kücheytishni tekitleydiken.

Melum bolushiche, shangxey hemkarliq teshkilatining bu qétimliq yighini shenbe we yekshenbe künliri xitayning chéngdaw shehiride échilidiken.

Yighin bashlinishtin awwal xitayning "Shinxu'a agéntliqi" xewer bérip, "Shangxey hemkarliq teshkilati" gha eza döletlerning 2013-2017-yilliri arisida qoralliq teshkilatlargha a'it 500 din artuq herbiy bazini tarmar qilip, xelq'araliq térror teshkilatlirining 2000 din artuq adimini qolgha chüshürgenlikini ilgiri sürgen.

Shinxu'a agéntliqi öz xewiride yene islam döliti teshkilatidin qaytqan qoralliqlar bilen küresh qilishning "Shangxey hemkarliq teshkilati" ning muhim témilirining biri dep körsetken.

Roytérz agéntliqi öz xewiride xitayning uzundin buyan Uyghur élida "Térorluq tehditi" barliqini ilgiri sürüp, rayondiki basturushlirida rosiye we ottura asiya döletlirining qollishgha érishp kelgen bolsimu, emma nurghun gherb döletlirining xitay hökümitini bu mesilide tenqitlep kelgenlikini bayan qilghan.

Xewerde yene bu qétimliq yighinda xitay hökümiti "Üch xil küch" lerge zerbe bérishni tekitleshni aldinqi pilan'gha qoysimu, emma bashqa eza döletlerning hemmisining öz aldigha bashqa muhim küntertipliri barliqini bildürüp, "Shangxey hemkarliq teshkilati" ning eza döletliri arisda ixtilap mewjutluqi, bu döletlerning téxi hemme dölet ortaq étirap qilghan bir déplomatik tilda birlikke kélip bolalmighanliqini bayan qilghan.

Toluq bet