Шенҗендики тупрақ сирилиш вәқәсидә 22 бина вәйран болди

Мухбиримиз үмидвар
2015-12-20
Елхәт
Пикир
Share
Принт


Йәкшәнбә күни гуаңдоң өлкисиниң шенҗен шәһиридики гуаңмиң йеңи районида йүз бәргән чоң көләмдики тупрақ сирилиш вәқәси нәтиҗисидә 22 бина вәйран болуп, бу җайдики биналарниң көпинчиси йәр көчкән йә астида қалған.

Хитай ахбарат васитилиридин шинхуа ториниң хәвәр қилишичә 27 адәм из - дерәксиз йоқалған. Әмма, бир қисим хәлқара агентлиқлар вәқәдә 40 адәмниң из - дерәксиз йоқалғанлиқини хәвәр қилған.

Җиддий елип берилған қутқузуш ишлири җәрянида 7 адәм бузулған биналар харабисидин қутулдурулған, тупрақ сирилиш вәқәси йүз бериштин илгирила 900 адәм нәқ мәйдандин йирақлаштурулған. Әмма һазирғичә из - дерәксиз йоқилип кәткәнләрниң тәқдири ениқ әмәс. Нөвәттә, бу йәрдә 1500 қутқузуш хадими җиддий иш елип бармақта икән. Вәқәдин кейин дөләт рәиси ши җинпиң пүтүн күч билән издәш - қутқузуш елип берип, өлүш вә ярилинишни азлитишни тәләп қилған. Шуниңдәк вәқәдин кейин хитай қизил кирсет җәмийити, гуаңдоң қизил кирсит җәмийити вә башқа орунлар апәткә учриғанларға тез ярдәм көрситишкә киришкән.

Лекин, бу қетимқи чоң көләмдики йәр көчүш вәқәсиниң келип чиқиш сәвәби һәққидә техи һечқандақ йәкүн чиқирилмиған.

Толуқ бәт