Xitay aliy ma'aripi saheside "Gherb idé'ologiyesi"ni tazilash shamili kötürülgen

Muxbirimiz qutlan
2015-01-30
Élxet
Pikir
Share
Print

B b s we birleshme agéntliqning bügünki xewirige qarighanda, xitay kompartiyesi aliy ma'arip sahesidin "Gherb idiyeliri" bilen "Gherb qimmet qarashliri" ni keng kölemde tazilash dolquni qozghighan.

Xitay ma'arip ministiri yüen guyrén peyshenbe küni shinxu'a agéntliqining muxbirigha munularni bildürgen: "Aliy ma'arip saheside kompartiyening rehberliki we idé'ologiye jehettiki yétekchilik rolini qattiq tekitlesh zörür. Ma'arip sahesidikiler oqutush matériyallirida partiye rehberliki bilen sotsiyalistik tüzümni tenqid qilmasliqqa choqum kapalet bérishi kérek."

Xitay ma'arip ministirining mezkur bayanati xitaydiki aliy mektep oqughuchiliri, démokratiyini himaye qilghuchi proféssorlar we ilim sahesidikilerning küchlük tenqidige duch kelgen.

Asasiy qanun rohi we erkin pikir éqimini teshebbus qilghanliqi üchün 2013-yili shangxey uniwérsitétidin heydelgen proféssor jang shöjung mundaq dégen: "Ma'arip ministiri bolghan bir kishi pütün dunyagha junggodiki aliy mektep oqutquchilirining ilmiy tetqiqat yaki oqutush jehettila erkinliktin mehrum bolup qalmastin, belki yene izzet-ghururidinmu ayrilghanliqini jakarlidi."

Toluq bet