Шавкәт иминниң қәсәмнамиси муһаҗирәттики уйғур торлирида мәсхирисигә учриди

Мухбиримиз шөһрәт һошур
2017-04-26
Елхәт
Пикир
Share
Принт

Бүгүн уйғур районлуқ партком даимий һәйәт әзалиридин шавкәт иминму қәсәмнамә елан қилип уйғур кадирларни үч хил күчләргә қарши қәтий мәйданда күрәш қилишқа чақирди.

Бу керийәлик йеза башлиқи обулқасим мәттурсун билән башланған қәсәмнамә баян қилиш долқунида алдиға чиққан әң юқири дәриҗилик әмәлдарларниң бири һесаблиниду. «Тәңритағ тори»да тарқитилған шавкәт иминниң қәсәмнамисидики хитай компартийиси һәққидики мәдһийәләр муһаҗирәттики уйғур торбәтлиридә мәсхиригә учриди. Шавкәт иминниң «җуңго компартийиси болмиған болса, бүгүнки шинҗаң вә уйғурларниң бүгүнки турмуши болмиған болатти» дегән сөзлиригә фейсбуктики бир инкаста мундақ баһа йезилған: «тоғра, хитай компартийәси болмиған болса, бүгүнки шинҗаң болмиған, йәни шәрқи түркистандики хитай нопуси 1949-йилидики 4% дин бүгүнки 40% гә йүксәлмигән болатти; земинниң йәр асти-йәр усти байлиқлири бундақ талан-тараҗ болмиған, уйғурлар бу ата мирас байлиқлиридин өзлири бәһримән болған болатти».

Фейсбуктики бу тоғрулуқ инкас йәнә мундақ давам қилған: «шундақ, хитай компартийиси болмиған болса, уйғурларниң бүгүнки турмуши болмиған, йәни миңларчә инсан сиясий сәвәб билән өлүм җазасиға учримиған; 10 миңларчә инсан бүгүнкидәк түрмиләрдә ятмиған болатти».

Муһаҗирәттики уйғур көзәткүчиләр, шавкәт иминниң қәсәмнанисидики хитай компартийиси һәққидики мәдһийәләрниң уйғур районида 60 йиллардин бери давам қиливатқан хитай тәшвиқатидин һечқандақ бир пәрқи йоқлуқини илгири сүрүшмәктә.

Пикирләр (0)
Share
Толуқ бәт