Shawket iminning qesemnamisi muhajirettiki Uyghur torlirida mesxirisige uchridi

Muxbirimiz shöhret hoshur
2017-04-26
Élxet
Pikir
Share
Print

Bügün Uyghur rayonluq partkom da'imiy hey'et ezaliridin shawket iminmu qesemname élan qilip Uyghur kadirlarni üch xil küchlerge qarshi qet'iy meydanda küresh qilishqa chaqirdi.

Bu kériyelik yéza bashliqi obulqasim mettursun bilen bashlan'ghan qesemname bayan qilish dolqunida aldigha chiqqan eng yuqiri derijilik emeldarlarning biri hésablinidu. "Tengritagh tori"da tarqitilghan shawket iminning qesemnamisidiki xitay kompartiyisi heqqidiki medhiyeler muhajirettiki Uyghur torbetliride mesxirige uchridi. Shawket iminning "Junggo kompartiyisi bolmighan bolsa, bügünki shinjang we Uyghurlarning bügünki turmushi bolmighan bolatti" dégen sözlirige féysbuktiki bir inkasta mundaq baha yézilghan: "Toghra, xitay kompartiyesi bolmighan bolsa, bügünki shinjang bolmighan, yeni sherqi türkistandiki xitay nopusi 1949-yilidiki 4% din bügünki 40% ge yükselmigen bolatti؛ zéminning yer asti-yer usti bayliqliri bundaq talan-taraj bolmighan, Uyghurlar bu ata miras bayliqliridin özliri behrimen bolghan bolatti".

Féysbuktiki bu toghruluq inkas yene mundaq dawam qilghan: "Shundaq, xitay kompartiyisi bolmighan bolsa, Uyghurlarning bügünki turmushi bolmighan, yeni minglarche insan siyasiy seweb bilen ölüm jazasigha uchrimighan؛ 10 minglarche insan bügünkidek türmilerde yatmighan bolatti".

Muhajirettiki Uyghur közetküchiler, shawket iminning qesemnanisidiki xitay kompartiyisi heqqidiki medhiyelerning Uyghur rayonida 60 yillardin béri dawam qiliwatqan xitay teshwiqatidin héchqandaq bir perqi yoqluqini ilgiri sürüshmekte.

Toluq bet