Shi jinping bérmining étnik xitay qoralliq guruhi bilen bolghan söhbitini qollashqa wede qilghan

Muxbirimiz erkin
2016-08-19
Élxet
Pikir
Share
Print

Birma dölet komissari angsen suchi jüme küni béyjingda xitay re'isi shi jinping bilen söhbet ötküzgen. Firansiye agéntliqining xewer qilishiche, shi jinping angsen suchigha birma hökümitining xitay-birma chégrasidiki étnik xitaylarning qoralliq guruhi bilen bolghan tinchliq söhbitini qollaydighanliqini bildürgen.

U "Xitay birma bilen bolghan munasiwetning tereqqiyatigha zor ehmiyet béridu" dep körsitip, bérmining "Tinchliq söhbitini algha sürüshte ijabiy rol oynash" qa wede bergen. Birma hökümiti yéqinda étnik xitayning qoralliq guruhi bilen söhbet ötküzidu.

Béyjing hökümiti bérmining xitay puli ishlitidighan, xitay tilini resmiy hökümet tili qilip qollinidighan, yünnen'ge yéqin chégrasidiki bu étnik xitay qoralliq guruhni qollap kelgen.

Angsen suchi del tinchliq söhbiti harpisida xitayni ziyaret qildi. Bu uning birma démokratiye ittipaqi saylamda ghelibe qilip, hakimiyet sorashqa bashlighandin buyan élip barghan tunji chet'el ziyariti idi.

Firansiye agéntliqining ilgiri sürüshiche, angsen suchining küntertipidiki yene bir muhim mesile, mékong deryasi tosma qurulushi iken. Xitay 3 milyard 600 milyon dollar desmi salidighan bu qurulush birma xelqining qarshiliqigha uchrap, 2011‏-yili toxtitip qoyulghan. U, tünügün xitay bash ministiri li kéchyang bilen körüshkende tosma qurulushini muzakire qilghan idi.

Toluq bet