Xitay ölkiliridiki "Shinjang sinipliri" téximu köp oqughuchi qobul qilishqa teyyarlanmaqta

Muxbirimiz irade
2013-08-28
Élxet
Pikir
Share
Print

Bu yil xitay ölkiliridiki shinjang toluq ottura sinipliri we shinjang ottura téxnikom siniplirigha jem'iy 12 ming 422 neper yéngi oqughuchi qobul qilin'ghan. Bu yéngi oqughuchilar 23-awghust künidin bashlap, ürümchi we sanji sheherlirige yighilip tizimgha aldurghandin kéyin, ikki künlük terbiyilesh kursigha qatnashturulghan.

Xitay da'iriliri yéqinda xitay ölkiliridiki shinjang toluq ottura siniplirigha qobul qilinidighan oqughuchilar sanining köpeytilidighanliqini élan qilghan idi. Tengritagh torining xewiridin melum bolushiche, mezkur pilan'gha asasen, bu yil shendung jining shehiride yene bir shinjang toluq ottura sinipi tesis qilinip, shinjang toluq ottura sinipliri tesis qilin'ghan sheherlerning sani 45 ge yetküzülgen.

Xitay da'iriliri 2000-yilidin étibaren Uyghur élige ixtisasliqlarni terbiyilep bérish nami astida qurghan shinjang sinipliri Uyghur ziyaliylirining endishisini qozghap kelgen idi. Ular Uyghur élidiki ma'aripqa meblegh sélish we oqu-oqutush shara'itlirini yaxshilash arqiliqmu ixtisasliqlarni yétishtürüsh meqsitige téximu asan yetkili bolidighanliqini, xitay hökümitining bu yerdiki esli meqsitining Uyghurlarning milliy kimlikini ajizlashturush ikenlikini bildürmekte.

Igilinishiche, bu yil shinjang toluq ottura siniplirigha qobul qilin'ghan yéngi oqughuchilarning sani 9122 neperge, xitay ölkiliridiki toluq ottura siniplarda oquwatqan omumiy oqughuchi sani bolsa 31 minggha yetken bolup, hazirghiche bu shinjang toluq ottura siniplirida oqughan omumiy oqughuchi sani 60 ming 400 neperge yetti.

Toluq bet