Shöhret zakirning xoten wilayitidiki ziyariti diqqet qozghidi

Muxbirimiz irade
2019-03-28
Élxet
Pikir
Share
Print

Uyghur aptonom rayonining re'isi shöhret zakir yéqinda xoten wilayitide ziyarette bolghan. Uning bu ziyaritining xelq'arada xitayning Uyghur élidiki lagérlirigha qaritilghan tenqid qattiq kücheygen bir mezgilge toghra kélishi diqqet qozghidi.

"Shinjang géziti" ning bu heqtiki xewiride éytilishiche, 25-marttin 27-martqiche xoten wilayitide ziyarette bolghan shöhret zakir u yerde "Jem'iyet muqimliqi we menggülük eminlikni yaritish bash nishani" din qet'iy tewrenmeslikni tekitligen.

Uning bu ziyaritide tekitlen'gen yene bir muhim nuqta bolsa "Namratliqtin qutuldurush" mesilisi bolghan. Xewerde uning niye nahiyesi, qaraqash we chira nahiyeliride öymu-öy kirip déhqanlarni ziyaret qilip, ularning kirim ehwalini igiligenliki we söhbette bolghanliqi bayan qilin'ghan.

Xoten wilayiti xitay hökümitining 2017-yilidin bashlap yolgha qoyghan lagér tüzümining eng éghir zerbisige uchrighan wilayetlerning biridur. Xotenning özidila lagérgha kirip ketken adem sanining nechche yüz minggha yétidighanliqi mölcherlenmekte.

Chet'ellerdiki Uyghur közetküchiler bundaq bir peytte shöhret zakirning xotenni ziyaret qilishini tasadipiyliq emes, dep qarimaqta.

Ularning perez qilishiche, nöwette xelq'arada b d t we herqaysiy döletler hökümetlirining Uyghur élidiki lagérlargha qarita musteqil halda xalighan orunda tekshürüsh élip bérish heqqidiki telepliri qattiq kücheymektiken. Mushundaq bolghusi ziyaretler aldida xitay hökümiti shöhret zakirni xoten'ge ewetish arqiliq lagér sirtidiki Uyghurlarning keng kölemlik naraziliqini peseytish, ularni iqtisadiy yardemler arqiliq melike qilishni meqset qiliwatqan bolushi mumkin iken.

Toluq bet