Обама хәлқара җәмийәттин сүрийәгә һәрбий һәрикәт қоллинишни қоллашқа дәвәт қилмақта

Мухбиримиз үмидвар
2013-09-04
Елхәт
Пикир
Share
Принт

Америка президенти барак обама шиветсийә зиярити җәрянида хәлқара җәмийәтни химийилик қорал ишлитиштә өзиниң төвән чекидә чиң турушқа чақирди.

У сөзидә хәлқара җәмийәтни америкиниң әсәд һөкүмитиниң химийилик қоралларни ишләткәнлики вә униңға қарита һәрбий һәрикәт қоллинишини қоллашқа дәвәт қилған.

Әнглийә б б с агентлиқиниң хәвәр қилишичә, америка һөкүмити сүрийә һөкүмитини 21-авғуст күни сүрийә пуқралириға қарита химийилик қорал ишлитип, 429 адәмни өлтүргәнлик билән әйиблигән. Асад һөкүмитиниң химийилик қорал ишлитиши мәсилиси җиддий инкасларни вә гуманларни қозғиған.

Америка авазиниң йезишичә, русийә президенти владимир путин болса америкиниң сүрийәниң химийилик қорал ишләткәнликигә аит кишини қайил қилалайдиған пакитларни б д т ға сунуши тәләп қилған һәмдә шу чағдила б д т ниң сүрийәгә қарита һәрбий һәрикәт қоллиниш һоқуқиниң берилиш мумкинликини чәткә қақмайдиғанлиқини көрсәткән.

Президент обама болса владимир путинниң сүрийә мәсилисидики мәйданини һаман өзгәртидиғанлиқини тәкитлигән.

Фирансийә парламенти һәрбий һәрикәт қоллиниш мәсилисини муһакимә қиливатқан болсиму, бирақ бу һәқтә техи беләт ташлимиған.

Әнглийә парламенти өткән һәптә беләт ташлап һәрбий һәрикәт қоллинишқа қарши чиққан.

Обама һөкүмити америка дөләт мәҗлисидин сүрийәгә қарита һәрбий һәрикәт қоллинишини қоллашни тәләп қилған болуп, нөвәттә дөләт мәҗлиси бу мәсилини муһакимә қилмақта. Бирақ, дөләт мәҗлиси техи беләт ташлаш өткүзмигән. Әмма обма өзиниң америка қораллиқ күчлириниң баш қомандани болуш сүпити билән америкиниң дөләт мәнпәәти нуқтисидин чиқиш қилип һәрикәт қоллиниш һоқуқиға игә икәнликини әскәрткән.

Пикирләр (0)
Share
Толуқ бәт