Obama xelq'ara jem'iyettin süriyege herbiy heriket qollinishni qollashqa dewet qilmaqta

Muxbirimiz ümidwar
2013-09-04
Élxet
Pikir
Share
Print

Amérika prézidénti barak obama shiwétsiye ziyariti jeryanida xelq'ara jem'iyetni ximiyilik qoral ishlitishte özining töwen chékide ching turushqa chaqirdi.

U sözide xelq'ara jem'iyetni amérikining esed hökümitining ximiyilik qorallarni ishletkenliki we uninggha qarita herbiy heriket qollinishini qollashqa dewet qilghan.

En'gliye b b s agéntliqining xewer qilishiche, amérika hökümiti süriye hökümitini 21-awghust küni süriye puqralirigha qarita ximiyilik qoral ishlitip, 429 ademni öltürgenlik bilen eyibligen. Asad hökümitining ximiyilik qoral ishlitishi mesilisi jiddiy inkaslarni we gumanlarni qozghighan.

Amérika awazining yézishiche, rusiye prézidénti wladimir putin bolsa amérikining süriyening ximiyilik qoral ishletkenlikige a'it kishini qayil qilalaydighan pakitlarni b d t gha sunushi telep qilghan hemde shu chaghdila b d t ning süriyege qarita herbiy heriket qollinish hoquqining bérilish mumkinlikini chetke qaqmaydighanliqini körsetken.

Prézidént obama bolsa wladimir putinning süriye mesilisidiki meydanini haman özgertidighanliqini tekitligen.

Firansiye parlaménti herbiy heriket qollinish mesilisini muhakime qiliwatqan bolsimu, biraq bu heqte téxi bélet tashlimighan.

En'gliye parlaménti ötken hepte bélet tashlap herbiy heriket qollinishqa qarshi chiqqan.

Obama hökümiti amérika dölet mejlisidin süriyege qarita herbiy heriket qollinishini qollashni telep qilghan bolup, nöwette dölet mejlisi bu mesilini muhakime qilmaqta. Biraq, dölet mejlisi téxi bélet tashlash ötküzmigen. Emma obma özining amérika qoralliq küchlirining bash qomandani bolush süpiti bilen amérikining dölet menpe'eti nuqtisidin chiqish qilip heriket qollinish hoquqigha ige ikenlikini eskertken.

Toluq bet