Хитай һөкүмити пуқралирини сүрийә қатарлиқ хәтәрлик районларға бармаслиққа агаһландурди

Мухбиримиз әркин
2015-12-11
Елхәт
Пикир
Share
Принт

Хитай ташқи ишлар министирлиқи җүмә күни баянат елан қилип, хитай пуқралирини сүрийә қатарлиқ вәзийити хәтәрлик районларға бармаслиққа агаһландурди.

Хитай һөкүмити бу агаһландурушни алдинқи күни бир хитай пуқрасиниң сүрийәдики қораллиқ гуруһ-корт демократик бирлик партийәсигә (PYD) гә ярдәмлишип, даиш террорлуқ гуруһиға қарши уруш қиливатқанлиқи ашкариланғандин кейин елан қилған.

Ройтерсниң илгири сүрүшичә, бу хитай пуқраси сичүәнлик болуп, у бу йил 9‏-айниң алди-кәйнидә сүрийәдики корт қораллиқ гуруһиға қошулған.

Хитай ташқи ишлар министирлиқи баянатчиси хуа чүнйиңниң билдүрүшичә, хитай тәрәп сүрийәдики хитай пуқрасиға алақидар хәвәрләрни көргән. Әмма у, һелиқи хитай пуқрасиниң шәхси әһвалиға даир конкрет учурға игә әмәсликини билдүргән.

Хуа чүнйиң: «ташқи ишлар министирлиқи хитайниң консул ишлири мулазимәт тори арқилиқ көп қетим бихәтәрлик агаһландуруши елан қилип, хитай пуқралирини өзиниң бихәтәрлики үчүн сүрийә қатарлиқ вәзийити хәтәрлик районларға басмаслиққа агаһландуруп кәлди» дегән.

Түркийә һөкүмити сүрийәдики корт қораллиқ тәшкилат-демократик бирлик партийәсини террорлуқ гуруһ, у, түркийә ишчилар партийәси п к к ниң парчиси, дәп қарап кәлгән. Әмма америка бу гуруһни даиш террорлуқ гуруһиға қарши актип күч, дәп қарап, уларға қорал-ярақ ярдәм қилған.

Пикирләр (0)
Share
Толуқ бәт