Xitay hökümiti puqralirini süriye qatarliq xeterlik rayonlargha barmasliqqa agahlandurdi

Muxbirimiz erkin
2015-12-11
Élxet
Pikir
Share
Print

Xitay tashqi ishlar ministirliqi jüme küni bayanat élan qilip, xitay puqralirini süriye qatarliq weziyiti xeterlik rayonlargha barmasliqqa agahlandurdi.

Xitay hökümiti bu agahlandurushni aldinqi küni bir xitay puqrasining süriyediki qoralliq guruh-kort démokratik birlik partiyesige (PYD) ge yardemliship, da'ish térrorluq guruhigha qarshi urush qiliwatqanliqi ashkarilan'ghandin kéyin élan qilghan.

Roytérsning ilgiri sürüshiche, bu xitay puqrasi sichüenlik bolup, u bu yil 9‏-ayning aldi-keynide süriyediki kort qoralliq guruhigha qoshulghan.

Xitay tashqi ishlar ministirliqi bayanatchisi xu'a chünyingning bildürüshiche, xitay terep süriyediki xitay puqrasigha alaqidar xewerlerni körgen. Emma u, héliqi xitay puqrasining shexsi ehwaligha da'ir konkrét uchurgha ige emeslikini bildürgen.

Xu'a chünying: "Tashqi ishlar ministirliqi xitayning konsul ishliri mulazimet tori arqiliq köp qétim bixeterlik agahlandurushi élan qilip, xitay puqralirini özining bixeterliki üchün süriye qatarliq weziyiti xeterlik rayonlargha basmasliqqa agahlandurup keldi" dégen.

Türkiye hökümiti süriyediki kort qoralliq teshkilat-démokratik birlik partiyesini térrorluq guruh, u, türkiye ishchilar partiyesi p k k ning parchisi, dep qarap kelgen. Emma amérika bu guruhni da'ish térrorluq guruhigha qarshi aktip küch, dep qarap, ulargha qoral-yaraq yardem qilghan.

Toluq bet