Taylandta tutup turuluwatqan 17 neper Uyghurning soti échildi

Muxbirimiz méhriban
2015-03-24
Élxet
Pikir
Share
Print

24-Mart küni tayland soti tayland türmiside tutup turuluwatqan 17 Uyghur üstidin sot achqan. Melum bolushiche, bu qétim sot échiliwatqan 17 neper Uyghur bultur séntebir éyida tayland chégrasidin qanunsiz kirgen dep eyiblinip tayland saqchiliri teripidin tutqun qilin'ghan Uyghurlar ichidiki bir a'ile kishiliri iken. Ularning arisida qoramigha yetmigen balilar 13 neper bolup, 2 bala tayland türmiside tughulghan.

Xewerlerdin melum bolushiche, seyshenbe künidiki sotqa türkiye we we xitay elchixanisining diplomatiye xadimlirimu qatnashqan. Türkiye elchixana xadimi bu Uyghurlarning qolida türkiye pasporti barliqini éytip, ularni türkiyege qayturushni telep qilghan. Sotning netijisi 27-mart yeni jüme küni chiqidighan bolup, türkiyening anatoliye xewer agéntliqining xewiride "Eger bu Uyghurlar özlirining türkiyege kétishni xalaydighanliqini bildürse, tayland hökümitining ularni türkiyege qayturup bérish éhtimali küchlük" dégen bayanlar bérildi.

Melumatlargha asaslan'ghanda, 2014-yili séntebirde tutulghan yüzlerche kishi hazirghiche tayland türmiliride yétiwatqan bolup, xitay hökümiti bu Uyghurlarni xitaygha qayturup bérishni telep qiliwatqan bolsimu, emma bu Uyghurlar özlirining türkiye puqrasi ikenlikide ching turghan. Xitay tashqi ishlar ministirliqining bayanatchisi xu'a chünying 24-mart küni roytérs agéntliqining muxbirigha, ehwalning tepsilatidin xewersiz ikenlikini éytqan. U: "Xitay qanunsiz köchmenlikke qarshi tayland we türkiye bilen hemkarlishishni xalaydu" dégen.

Toluq bet