Uyghur élida "Karbon qara öngküri" heqqide yéngi bayqash otturigha qoyulghan

Muxbirimiz qutlan
2013-12-27
Élxet
Pikir
Share
Print

Junggo Uyghurche radi'o torining xewirige qarighanda, yéqinda Uyghur aptonom rayonining qurghaq rayon jughrapiyisi sahesidiki tetqiqatchilar "Karbon qara öngküri" heqqide yéngi bayqashqa érishken.

Melum bolushiche, junggo penler akadémiyisi shinjang ékologiye we jughrapiye tetqiqat ornining mutexessisliri jungghar oymanliqidiki chöllük we bostanliqlarning tupriqini tekshürüp-tetqiq qilish jeryanida shortangliqlarning tupraq terkibige diqqet qilghan. Ular shortangliqtiki tupraqning zor miqdarda karbon 4 oksidni sümürüp chöllükning yer asti qatlimida ghayet zor an'organik karbon ambiri shekillendüridighanliqini bayqighan.

Alimlarning tetqiqatigha qarighanda, yersharidiki karbon 4 oksidning köp qismini déngiz-okyanlar sümürüwélip karbonni tengpunglashturghan. Emma yer sharidiki 20% ge yéqin karbonning qeyerge singip kétidighanliqi hazirghiche namelum iken. Jungghar oymanliqidiki bu qétimliq bayqash "Karbon qara öngküri" ning sirini yéyishte muhim bir qedem hésablinidiken.

Toluq bet