دائىرىلەر 5 مىللەت تىل-يېزىقىدىكى ئەقلىي ئىقتىدارلىق تەرجىمە سىستېمىسىنى ئىشلىتىشكە باشلىدى

مۇخبىرىمىز قۇتلان
2015-04-29
ئېلخەت
پىكىر
Share
پرىنت

خىتايدىكى «خەلق تورى» نىڭ خەۋىرىگە قارىغاندا، بېيجىڭدىكى مىللەتلەر تەرجىمە ئىدارىسى بىلەن شەرقىي شىمال ئۇنىۋېرسىتېتى بىرلىكتە تەتقىق قىلىپ ئىشلىگەن خىتايچە ۋە باشقا مىللىي تىللاردىكى ئەقلىي ئىقتىدارلىق تەرجىمە سىستېمىسى يېقىندا سىناق تەرىقىسىدە ئىشلىتىلىشكە باشلىغان.

مەلۇم بولۇشىچە، بۇ سىستېمىغا خەلقئارادا ئالدىنقى قاتاردا تۇرىدىغان تەرجىمە قوزغاتقۇچ تېخنىكىسى ئىشلىتىلگەن بولۇپ، ئۇنىڭغا ئۆزلۈكىدىن ئۆگىنىش مېخانىزمى ئورنىتىلغان ئىكەن.

بۇ سىستېما خىتايچىنى ئۇيغۇرچە، موڭغۇلچە، تىبەتچە، قازاقچە ۋە كورېيانچىدىن ئىبارەت بەش مىللەتنىڭ تىلىغا تەرجىمە قىلالايدىكەن شۇنداقلا قوش يۆنىلىشلىك تەرجىمە ئىقتىدارىغا ئىگە ئىكەن.

ئىگىلىنىشىچە، بۇ سىستېما ھازىر بېيجىڭدىكى خىتاي مىللەتلەر تەرجىمە ئىدارىسىدە ئىشقا كىرىشتۈرۈلگەن.

كۆزەتكۈچىلەر بۇ سىستېمىنىڭ بارلىققا كېلىشى، خىتايدىكى مىللەتلەر ئارا تەرجىمە ئىشلىرىنى ئىلگىرى سۈرۈشتە مۇھىم رول ئوينىسىمۇ، لېكىن ئاز سانلىق مىللەتلەر تىل-يېزىقىغا ھېچقانچە ئورۇن بېرىلمىگەن خىتايدا ئۇنىڭ پەقەتلا سىياسىي تەشۋىقاتتىكى بىر كوزېر بولۇپ قالىدىغانلىقىنى ئىلگىرى سۈرمەكتە.

پىكىرلەر (0)
Share
تولۇق بەت