Тәйвән президентниң оттура америка сәпири башланмастин инкас қозғиди

Мухбиримиз шөһрәт һошур
2016-12-07
Елхәт
Пикир
Share
Принт

Хәлқара хәвәрләрдә тәйвән президенти сәй йиңвенниң келәр айда оттура вә җәнубий америкини зиярәт қилидиғанлиқи вә бу җәрянда америкида тохтап өтүш, һәтта доналд трамп билән көрүшүш еһтималлиқи хәвәр қилинғандин кейин, бу алақидар тәрәпләрниң диққәт вә инкасини қозғиди.

Бүгүн хитай ташқи ишлар баянатчиси бу һәқтә пикир баян қилип, сәй йиңвенниң һәрикити сиясий ғәрәзлик ушшақ һәрикәтләр дәп әйиблигән вә америка тәрәпни сәй йиңвенниң америкидин өтүшигә рухсәт қилмаслиқ вә тәйвән мәсилиси һәққидә хата сигнал бериштин сақлинишқа чақирған.

Хәлқара хәвәрләрдә баян қилинишичә, доналд трампниң өткән һәптә сәй йиңвен билән елип барған күтүлмигән телефон сөһбити хитайдики сәзгүрлүкни ашурувәткән. Бүгүн сәй йиңвен билән доналд трампниң сөһбити һәққидә мақалә елан қилған мәшһур сиясий өктичи өркәш дөләт сәй йиңвен билән доналд трамниң учришишини тасадипийлиқ дәп қарашқа болмайдиғанлиқини, буниңдин кейин тәйвәнниң хәлқара сәһнидики ялғузчилиққа хатимә бериш үчүн һәрикитини тезлитидиғанлиқ еһтималлиқини оттуриға қойған.

Пикирләр (0)
Share
Толуқ бәт