Teywen prézidéntning ottura amérika sepiri bashlanmastin inkas qozghidi

Muxbirimiz shöhret hoshur
2016-12-07
Élxet
Pikir
Share
Print

Xelq'ara xewerlerde teywen prézidénti sey yingwénning kéler ayda ottura we jenubiy amérikini ziyaret qilidighanliqi we bu jeryanda amérikida toxtap ötüsh, hetta donald tramp bilen körüshüsh éhtimalliqi xewer qilin'ghandin kéyin, bu alaqidar tereplerning diqqet we inkasini qozghidi.

Bügün xitay tashqi ishlar bayanatchisi bu heqte pikir bayan qilip, sey yingwénning herikiti siyasiy gherezlik ushshaq heriketler dep eyibligen we amérika terepni sey yingwénning amérikidin ötüshige ruxset qilmasliq we teywen mesilisi heqqide xata signal bérishtin saqlinishqa chaqirghan.

Xelq'ara xewerlerde bayan qilinishiche, donald trampning ötken hepte sey yingwén bilen élip barghan kütülmigen téléfon söhbiti xitaydiki sezgürlükni ashuruwetken. Bügün sey yingwén bilen donald trampning söhbiti heqqide maqale élan qilghan meshhur siyasiy öktichi örkesh dölet sey yingwén bilen donald tramning uchrishishini tasadipiyliq dep qarashqa bolmaydighanliqini, buningdin kéyin teywenning xelq'ara sehnidiki yalghuzchiliqqa xatime bérish üchün herikitini tézlitidighanliq éhtimalliqini otturigha qoyghan.

Toluq bet